മൂത്തേടം - രാമായണം

ഭൂമിജേ നിനക്കു  സ്വസ്തി

******************

കവി: 

****

രാമദേവനു വാമമായവളങ്ങയോദ്ധ്യയിൽ വാഴവേ

രാമബീജമതിന്റെ ലാഞ്ഛന പത്നിഭാവമതുജ്ജ്വലം

രാമചന്ദ്രനുചാരെനിന്നവൾ കേട്ടുകൊണ്ടൊരു മോഹ, മാ

രാമമാർന്ന വനാന്തരേ വിഹരിക്കുവാൻ വഴിയേകണേ

സീത:

******

കൊന്നു,തിന്നുവതൊക്കെയും ബലിപിണ്ഡമൂണുകഴിച്ചിടും

മന്നിടത്തിലെ, നാകമായിടുമാശ്രമാങ്കണ കാഴ്ചകൾ

ഇന്നുമെന്റെ മനസ്സിനുള്ളിലെ രാഗതന്ത്രികൾ മീട്ടിടു-

ന്നന്നു നമ്മൾ രതിത്വമാർന്നു നടന്നു നീങ്ങിയ വീഥികൾ

രാമൻ:

*******

ഭൂമിജേ! തവഹൃത്തടത്തിലെ മോഹജാലമതൊക്കെയും

ഭൂമിനാഥനിവന്റെ കല്പനയായിടുന്നൊരു വേളയിൽ

ഭാമിനീ! ഭ്രമചിന്തയിൽ മമ രാജ്യലക്ഷ്മി ജയിക്കവേ

ഭൂമിയിൽപ്പുതുകാവ്യമായതു മാറുവാൻ വഴിയായിടും.

കവി:

*****

ആമയങ്ങളകന്നുമാറി മനോജ്ഞചിന്തകളേറവേ

രമ്യമാർന്നൊരയോദ്ധ്യകണ്ടതിമോദമോടെ രഘൂത്തമൻ

ഹേമചന്ദ്രിക പൂത്തുനിന്നൊരു പൂവനത്തിലുലാത്തവേ

പാമരം വചനം ചുമന്നു യഥാർഹവർണ്ണനുമെത്തിനാൻ

ഭദ്രനോതിയ വാക്കുകൾക്കു കളംബമൂർച്ചയതാകുമോ?

ചൊല്ലിടുന്നു ജനം, പ്രഭോ, തവ കാമിനിക്കപവാദവും

ആണ്ടുകൾപ്പലതും കഴിഞ്ഞവൾ പംക്തികന്ധരനോടുമായ്!

വീണ്ടതെന്തിനു സീതയെ പ്രഭു, അഗ്നി ചെയ്തൊരു വഞ്ചന.

രാമൻ:

******

ലക്ഷ്മണാ, ജനനായകന്റെ നൃപാസനത്തിനു മേന്മയായ്

സത്വരം മമ ജായ സീതയെ കാനനത്തിലുമാക്കിടൂ

കെട്ടുപോയവളെന്നു ലോകമുരയ്ച്ചിടുന്നതറിഞ്ഞിടൂ

രാജഭാരമതെന്റെ കൈകളെയിന്നു പൂട്ടിയതെന്തിനോ?

കവി: (കവിതയിലൂടെ പറയാൻ ശ്രമിച്ചത്)

***************************************

കാടകത്തിലവൾക്കു രക്ഷയതേകി താപസദേവനാം

നാകുപെറ്റ പടുത്വമേറിന ജീവിതത്തെ നയിക്കുവോൻ

താൻ വളർത്തിയ ജാനകിക്കു വിശുദ്ധഭാവമതേകുവാ-

നാദികാവ്യമതെന്നതാമിതിഹാസമെത്ര മനോഹരി.

മൈഥിലിക്കു മനസ്സിലുള്ളൊരു മോഹപൂർത്തി വരുത്തുവാൻ

സ്വാർത്ഥമാർത്തി നിറഞ്ഞവന്റെ നിലയ്ക്കുമാറിയ രാമനും

കർമ്മമാക്കിയതൊക്കെ പാരിട പാലനത്തിനു മാത്രമാ-

ണെന്നതോർക്കുകിൽ ജീവിതം പരിപൂർണ്ണമെന്നതു സത്യമേ

മൂത്തേടം

‪9388899740‬